'' गज़ल '' कोमल भट्ट

'' गज़ल '' कोमल भट्ट खुसीहरू सपना भए  र आँसु यी गहना भए रहेन क्यै लुटियो सबै विचार झन् अदना भए निसासियो मन यो सधैँ विनासका घट...

'' गज़ल '' कोमल भट्ट

खुसीहरू सपना भए
 र आँसु यी गहना भए

रहेन क्यै लुटियो सबै
विचार झन् अदना भए

निसासियो मन यो सधैँ
विनासका घटना भए

ऊजाडिए छ वसन्त नै
सुवासहीन् हसना भए

मुहार भो चुपचाप लौ
निराशता ढकना भए

उदाश छन् सब भावना
दुखेर ती रचना भए

छन्द –तालूङ (हिमाल) छन्द
श्रोत :-छन्द शिखर

कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका