नेताले खादिन र बनाउदिन भन्न हुने कि न हुने ?

जुन कुरा खान्न भनिन्छ आखिर पुर्पुरोमा खाने लेखेको नै हुन्छ । खान्न भनेर धर नै पाईदैन । खानै पर्छ भने चाही होईन ।  नखाए पनि हुन्छ तर नखाने ...

जुन कुरा खान्न भनिन्छ आखिर पुर्पुरोमा खाने लेखेको नै हुन्छ । खान्न भनेर धर नै पाईदैन । खानै पर्छ भने चाही होईन ।  नखाए पनि हुन्छ तर नखाने चाही अपबाद हुन्छ । 

यहाँ खाने कुरालाई दुई भागमा विभाजित गर्न उचित हुन्छ । एक जीवन धान्न खाइने अन्न हुन्छ । अर्को कुबेर हुन् कुम्ल्याउने द्रब्यको ठेली । जति नै खाए पनि ,भयो भन्न मन नलाग्ने खतरा वस्तु -पैसाको बिटो । खान मन नलागेता पनि खाउ खाउ लाग्ने वस्तु घुस ।

घुस भुस कदापी हैन । भुस पशुले खाने हुन्छ भने घुस प्राण भएको जनावर मानिसले खान्छ ।  घुस अबैधानिक हुन्छ भने धानबाट फ्याकिएको पदार्थ बैधानिक हुन्छ । कसैले खादिन भन्छ भने उसको जीवनमा खानै पर्ने अवस्था आउछ । बिश्वमा सर्बाधिक चर्चामा रहेको र सबैले आँखाको तारो भएको चिज नै भ्रष्टाचार हो । ट्रान्सपरेन्सी अन्तर्राष्ट्रियले बार्षिक रुपमा भ्रष्टाचार मुलुकहरुको विवरण प्रस्तुत गर्दछ । नेपाल दक्षिण एसियाली मुलुकमा भ्रष्टाचार हुने राष्ट्रहरु मध्येमा परेको देखाउछ । 

भ्रष्टाचारले सबैलाई गाजेको छ । नेताजीहरु अछुतो हुनु हुन्न । नेताहरुलाई सबै भन्दा भ्रष्टाचारको आरोप लाग्दछ । नेपालको परिपेक्षमा ज्यादा बहस नगर्दा नै उचित हुन्छ । घुस पूर्ण गैर कानुनी भएता पनि खानेले जति खाए पनि हुने रहेछ । खान पनि सक्ने रहेछन । हालसालै काठमाडौँमा एक कर्मचारीलाई करिब सत्तरी लाख रुपैया घुस लिएको नगद बिटा समेत सार्बजनिक गरियो । 

उनले पनि बिगतमा खादिन भनेको थिए होलान  । खाने चिज भएकोले होला खाने प्रयास गर्दा सुनियोजित फन्दामा परे । खाने चिजले मानिसलाई लोभी बनाई दिन्छ । त्यी कर्मचारीले पहिला खादिन भने होला ,तर बोरामा मुद्रा देखे पछि आँखा तिर्मिरयायो होला । आँखिर खानको लागि खाए । उसको के दोष ? कतै प्रतिस्प्रद्धा या देखासिखीको चक्रब्युमा फसेका त हैनन ? नखानु पर्ने थियो तर खाए ? खाए ,अनि उनले दुख पाए । फरक यति हो ,खाएर आफ्नो घर जान्थे ,अब अर्को घर जान्छन । 

सबैले खाने चिज खाने ,न खाने चिज नखादा उत्तम । तर यो चिजले मानिसलाई भ्रष्ट गराई दिन्छ । लोभले लाभ लाभले बिलाभ गरी दिन्छ । देशको उन्नत र समुच्चा समाजलाई भ्रष्टचार मुक्त बनाउने हो भने खादिन भन्ने नेताले प्रतिबद्धता जाहेर गर्नु पर्छ अनि मात्र देश सप्रन्छ । समाज र राष्ट्र बनाउन प्रतिबद्धता गर्ने नेता अर्थमा रमाउनु हुदैन । नेताले खादिन भन्न हिम्मत गर्नु पर्दछ , खादिन भनि छाती चौडा गर्न सक्नु पर्दछ ।
नेताले खाए बद्नाम हुने र अख्तियारमा पर्ने सम्भावना हुन्छ । तसर्थ नेताले खादिन भन्दा नै असल भन्नेको संख्या बढी हुन्छ । यसलाई जनताले अनुमोदन गर्दछन । खादिन भने नेता जय जयकार हुन्छ l जनताले तिरेको करमा पौडी खेल्ने सपना देख्छ भने लछार पछार हुन्छ । 

नेताले बनाउदिन भन्दा के फरक पर्दछ ? नेताले घर बनाउदिन भन्दा त्यति फरक नपर्ला ? पुल बनाउन सम्भव छैन भन्दा क्षणिक फरक नपर्ला ? अन्य केहि चिज बनाउदिन भन्दा त्यति फरक नपर्ला ? तर यत्रो बर्ष बिति सक्दा पनि कुर्शीको लडाईको लागि संबिधान बनाउदिन भन्दा निक्कै फरक पर्दछ ।   आवेशमा होस् या होशमा ,अब संबिधान बन्नु पर्दछ र यो सबैको मांग पनि हो । 

राजनैतिक खिचातानीको कारण संबिधान कदापी रोकिनु हुन्न र तुहाउने प्रयास गर्नु हुन्न । अब नेताहरु संबिधान नबनाई केवल जुँगाको लडाईमा अल्झे भने मुलुक बिनास तर्फ धकेलिन्छ ।   संबिधानको लागि फेरी अर्को केहि समय थपि देउ भनि तारिख मागे जनतामा आक्रोश पैदा हुने हुन्छ ।

आज भोलि फेरी अर्कै कुरा सुनिदै छ कि संबिधान बन्छ कि बन्दैन ? मुलुकलाई अनिर्णयको बन्दिमा कहिले सम्म राखी रहने ? जब सम्म नेताहरुमा राजनीतिक सुझबुझ र क्षमताको विकास हुदैन तब सम्म संबिधान नबन्ने हो कि ? अकर्मण्यता, इच्छाशक्तिको अभाव र खराव नियतको कारण संबिधान बन्नमा ढिलाई भएको त हैन ?

नेताले जे कुरा पनि भै हाल्छ भने जनताले विश्वास गर्दछन भन्ने अब न रहने भो । नदि नै नभएको ठाउँमा पुल बनाई दिन्छु भने अविश्वास पैदा हुन्छ । त्यहाँ नेताले बनाउदिन भन्द फरक नपर्ला किनभने नदि नै न भएको ठाउँमा कसरि पुल बनाउने ?

नेताले गैर कानुनी रुपमा बनाउदिन भन्दा राष्ट्रको सच्चा सेवक कहलिन्छ तर विकासको काम लाई बनाउदिन भन्दा पद नै गुमाउने हुने हुन्छ । जे भएता पनि नेताले खानै पर्ने कुरा खादा फरक नपर्ला । तर खाने चिज नखाई नखाने चिज खाँदा फरक पर्ने हुनाले नेताले खाने या खादिन हुने कि न हुने भन्ने नेताहरुले आफै सोच्ने ?

र ,जुन चिज बनाउनु पर्ने र जसको हद नाघी सकी बिश्व सामु लाज हुने अवस्थाबाट गुज्रिएका हामी नेपाली अब नेताहरुले यस बिषयमा तार्किक बिन्दुमा बनाउछु भन्ने तर्फ लागेमा जनताको मन भित्र बस्ने वातावरण बन्ने सम्भावना हुन्छ । बनाउदिन भन्ने चाही गर्दै नगर्ने । यसो गरे मुलुक अनिर्णयको बन्दिबाट मुक्त हुने छैन । तसर्थ नेताले बनाउदिन भन्न हुने कि नहुने यो अभिभारा पाठक वर्गलाई जिम्मा दिदै .........बिदा

..............................................................................अस्तु

विजय