पुर्व: इटहरीमा नि:शुल्क स्वास्थ्य शिविर I

इटहरी, ४ मङ्सिर , पूर्वाञ्चल बचत तथा ऋण सहकारी संस्थाले आफ्ना सेयर सदस्यको निःशुल्क स्वास्थ्य जाँचका लागि इटहरीमा सञ्चालित शिविरमा ५०० भन्दा...

इटहरी, ४ मङ्सिर ,

पूर्वाञ्चल बचत तथा ऋण सहकारी संस्थाले आफ्ना सेयर सदस्यको निःशुल्क स्वास्थ्य जाँचका लागि इटहरीमा सञ्चालित शिविरमा ५०० भन्दा बढीको स्वास्थ्य जाँच गरिएको छ ।

सहकारीले आफ्ना सेयर सदस्यको परिवार स्वास्थ्यलाई ध्यान दिँदै नोबेल मेडिकल कलेजसँगको सहकार्यमा सञ्चालन गरिएको शिविरमा आँखा, नाक कान घाँटी, प्रसूति तथा बालरोग, हाडजोर्नी, मानसिक रोग, दन्त रोग सर्जरी र छाला रोगको जाँच गरिएको थियो ।

नोबेल मेडिकल कलेजका चिकित्सक सुनिल चक्रधरको नेतृत्वमा रहेको २५ जनाको चिकित्सक टोलीले शिविरमा आएका रोगीको स्वास्थ्य जाँच गरेका थिए । शिविरमा स्वास्थ्य जाँचका लागि आएकालाई स्वस्थ रहनका लागि अपनाइने सावधानीका विषयमा परामर्श पनि दिइएको थियो । यसैगरी गोल्छा आँखा अस्पताल विराटनगरको सहयोगमा रेडक्रस सोसाइटी इटहरी र हाँसपोसा र जुनियर रेडक्रस हाँसपोसाको संंयुक्त पहलमा जनसहयोग उच्च मावि तरहरामा सञ्चालित निःशुल्क आँखा शिविर सम्पन्न भएको छ ।

शिविरमा सो उच्च माविका ८०० विद्यार्थीको आँखाको जाँच गरेर आँखा स्वस्थ राख्ने विषयमा सचेत पनि गराइएको शिक्षक हेमन्त गौतमले जानकारी दिनुभयो । शिविरमा चिकित्सक राजन भट्टराई, सागर पोख्रेल, सन्तोष कट्टेल र केदार गिरीको टोलीले सेवा प्रदान गरेको थियो । रासस