क्यान्डी क्रशले कमायो ५६ करोड डलर

तपाई हामीले स्मार्टफोनमा खुवै खेल्ने गरेको खेल क्याण्डी क्रसले एक बर्षमै झण्डै ५६ करोड अमेरिकी डलर कमाएको छ । गेम निर्माता आइरिस कम्पनी किङ...

तपाई हामीले स्मार्टफोनमा खुवै खेल्ने गरेको खेल क्याण्डी क्रसले एक बर्षमै झण्डै ५६ करोड अमेरिकी डलर कमाएको छ । गेम निर्माता आइरिस कम्पनी किङ डिजिटल इन्टरटेनमेन्टले क्याण्डी क्रसको सफलताबाट उत्साहित हुँदै सर्वसाधारणका लागि प्राथमिक सेयर जारी गर्न लागेको छ । समाचार संस्था रोयटर्सका अनुसार किङले सर्वसाधारणबाट झण्डै ५० करोड अमेरिकी डलर उठाउने लक्ष्य राखेको छ । उसले न्यूयोर्क स्टक एक्सचेन्जमा सेयर जारी गर्नका लागि आबेदन दिएको छ ।



सन् २०१२ मा सार्वजनिक भएको यो गेमले एक बर्षमै धेरै लोकप्रियता र पैसा कमायो । सन् २०१२ मा जम्मा ७८ लाख डलर कमाएको कम्पनीले क्याण्डी क्रसकै कारण सन् २०१३ मा नाफा ५६ करोड ७० लाख डलर कमाउन सफल भयो ।

यो एप सन् २०१३ मा सवैभन्दा बढि डाउनलोड हुने निशुल्क एप र सवैभन्दा धेरै पैसा कमाउने एपका रुपमा दरिएको छ । यो गेम अहिलेसम्म झण्डै ५० करोड प्रयोगकर्ताले डाउनलोड गरिसकेका छन भने हरेक दिन झण्डै १० करोड प्रयोगकर्ताले हरेक दिन गेम खेल्छन् । झण्डै १ करोड २० लाख प्रयोगकर्ताले पैसा तिर्ने गरेका छन् ।
कम्पनीले फेसबुक, स्मार्टफोन र आफ्नै वेबसाइटमार्फत् झण्डै १८० गेम सार्वजनिक गरेको छ । यी सवै गेम जोड्दा दैनिक करिव १ अर्ब पटक खेलिने गरेको कम्पनीले जनाएको छ ।